Кореличский район представил свой туристический потенциал на международной выставке «Отдых-2024»
23.04.2024
З 18 па 20 красавіка ў Мінску праходзіла 26-я Міжнародная выстава-кірмаш турысцкіх паслуг “Адпачынак-2024” — самая буйная турыстычная выстава Беларусі ў катэгорыі “Турызм і адпачынак”. Гэта міжнародная дзелавая пляцоўка для краін, рэгіёнаў і турыстычных кампаній з усяго свету, якія прадстаўляюць свае прадукты і паслугі на беларускім рынку. Удзельнікі і наведвальнікі выставы мелі магчымасць сустрэцца з прадстаўнікамі сусветных турыстычных асацыяцый, рэгулятарамі галіны, знайсці новых кліентаў і партнёраў, а таксама даведацца аб трэндах індустрыі на ўнікальных мерапрыемствах дзелавой праграмы. Гэта эфектыўная бізнес-пляцоўка для рэкламы турыстычных маршрутаў, новых тураў, сустрэч са старымі партнёрамі, наладжвання новых дзелавых кантактаў.
![](http://www.polymia.by/wp-content/uploads/2024/04/1-4.jpg)
![](http://www.polymia.by/wp-content/uploads/2024/04/1713863326369.jpg)
![](http://www.polymia.by/wp-content/uploads/2024/04/IMG_20240418_112344.jpg)
![](http://www.polymia.by/wp-content/uploads/2024/04/IMG_20240419_091200.jpg)
![](http://www.polymia.by/wp-content/uploads/2024/04/IMG_20240419_092146.jpg)
![](http://www.polymia.by/wp-content/uploads/2024/04/IMG-4a1f95ab3b4cc46802c2288c98fef904-V.jpg)
Свой турыстычны патэнцыял на выставе раскрыла і Карэліччына.
![](http://www.polymia.by/wp-content/uploads/2024/04/IMG_20240419_092104.jpg)
![](http://www.polymia.by/wp-content/uploads/2024/04/2-5.jpg)
— Маштаб выставы ўражвае! Такая разнастайнасць турыстычных паслуг, прадуктаў, маршрутаў, — дзеліцца ўражаннямі галоўны спецыяліст сектара спорту і турызму Карэліцкага райвыканкама Юлія Ліхута, якая прадстаўляла на выставе Карэліччыну. — На стэндзе Карэліцкага раёна былі прадстаўлены гасцінічны комлекс “Мірскі пасад”, аграэкасядзіба “Маміны Крынкі», ПТУП “Налібокі не далёкі”, слімаковая ферма “РАТАЎ”, ААТ “Карэлічы-Лён”.
![](http://www.polymia.by/wp-content/uploads/2024/04/IMG_20240419_093959.jpg)
На прэзентацыі Гродзенскай вобласці, а затым на пляцоўцы Карэліцкага раёна для гасцей выстаўкі былі разыграны сертыфікаты ад гасцінічнага комлексу “Мірскі пасад”, слімаковай фермы “РАТАЎ” і турыстычнай вёскі “Белыя Лугі”.
![](http://www.polymia.by/wp-content/uploads/2024/04/IMG-6b0de7256282033021ddb63d9b36716c-V.jpg)