Юрый Селіверстаў павіншаваў кіраўніцтва раёна, медыцынскіх работнікаў з такой выдатнай нагодай і адзначыў, што прыемна ўсведамляць той факт, калі ў рэгіёне рацыянальна выкарыстоўваюцца матэрыяльныя сродкі, якія выдаткоўвае дзяржава.
Андрэй Гардзей, адрасуючы словы медыцынскім работнікам адзначыў, што раённая бальніца атрымала ў карыстанне сучаснае рэнтгенадыягнастычнае абсталяванне, якое істотна павысіць камфорт працы і якасць абслугоўвання пацыентаў. Але якім бы ні быў гэты цуда-апарат, без працавітых і ўважлівых медыкаў, сапраўдных прафесіяналаў сваёй справы – гэта проста набор дэталяў. Кіраўнік раёна выказаў упэўненасць, што медработнікі працягнуць выконваць свае абавязкі на сумленне і далей будуць дапамагаць людзям умацоўваць здароўе.
Больш 570 тысяч бюджэтных сродкаў было выдзелена на рамонтна-аднаўленчыя работы. На іх праведзены рамонт самога рэнтген-кабінета і сумежных памяшканняў. Новы рэнтгенаўскі дыягнастычны лічбавы апарат “Космас 535” ў складзе з праграмна-тэхнічным комплексам “Медыцынская дыягнастычная станцыя” для бальніцы фінансавала Міністэрства аховы здароўя. Пастаўленае рэнтгенаўскае абсталяванне на 3 працоўныя месцы прызначана для правядзення медыцынскіх дыягнастычных рэнтгенаграфічных і рэнтгенаскапічных даследаванняў.
Дзякуючы новай тэхналогіі атрымання рэнтгенаўскага малюнка цалкам выключаецца неабходнасць выкарыстання і фотахімічнай апрацоўкі плёнкі.
Удасканалены кабінет і новае абсталяванне дапамогуць урачам райцэнтра забяспечыць больш якасную дыягностыку захворванняў рэнтгеналагічнымі метадамі даследаванняў, а таксама павысіць якасць абслугоўвання і скараціць час чакання пацыентаў.
Пасля ўрачыстасці госці азнаёміліся з матэрыяльна-тэхнічнай базай раённай установы аховы здароўя, якая, дзякуючы дзяржпадтрымцы, пастаянна абнаўляецца, а ў медыцынскую практыку ўкараняюцца самыя перадавыя распрацоўкі.
Кацярына КУКАНАВА
фота аўтара