Поздравление Кореличского райисполкома и районного Совета депутатов с Днем семьи

  Паважаныя жыхары Карэліччыны! Сардэчна віншуем вас з Днём сям’і! У жыцці кожнага чалавека сям’я займае асаблівае месца. Яна мае самае важнае значэнне ў выхаванні падрастаючага пакалення, далучэнні дзяцей да нацыянальных каштоўнасцяў. І павага да традыцый, і патрыятызм бяруць свой пачатак з роднага ачага. Інстытут сям’і ўносіць вырашальны ўклад у фарміраванне новай якасці нашай нацыі, садзейнічае ўкараненню ў грамадстве такіх якасцяў адказнага грамадзяніна, як працавітасць, імкненне да ведаў, салідарнасць. Моцная сям’я — гэта надзейны заклад гарманічнага і ўстойлівага развіцця краіны. Таму дзяржава надае пільную ўвагу ўдасканаленню сістэмы абароны мацярынства і дзяцінства, прасоўванню сямейных каштоўнасцяў. Забеспячэнне дабрабыту кожнай сям’і — адна з прыярытэтных задач на шляху пабудовы сучаснай дзяржавы. Хай у нашай краіне працвітае кожная сям’я! Жадаем усім грамадзянам моцнага здароўя, шчасця і поспехаў у стваральных справах! Андрэй ГАРДЗЕЙ, старшыня Карэліцкага раённага выканаўчага камітэта Аляксей ГАЎРОШ, старшыня Карэліцкага раённага Савета дэпутатаў