Сярод лідараў па нарыхтоўцы кармоў у Карэліцкім раёне знаходзіцца КСУП “Племзавод Карэлічы”

Сезон зялёнага жніва набірае абароты. Першы ўкос шматгадовых траў асабліва важны для сельскай гаспадаркі — у гэты перыяд будучы сянаж найбольш пажыўны і сакавіты.

У ліку лідараў па нарыхтоўцы кармоў на ўмоўную галаву ў раёне — КСУП “Племзавод Карэлічы”. Тут нарыхтавалі 5,1 ц карм. адз., што на 2,89 ц карм. адз. больш, чым летась. Па гэтым паказчыку прадпрыемства займае трэцяе месца ў раёне (на першым месцы СВК «Маяк-Заполле» (6,05 ц карм. адз.), на другім — ДП «Чарняхоўскі-Агра» (5,92 ц карм. адз.). Аграрыі разумеюць: забяспечанасць кармамі — заклад харчовай бяспекі.