Бытовики Кореличчины отпраздновали профессиональный праздник
Напярэдадні Дня работнікаў бытавога абслугоўвання насельніцтва і жыллёва-камунальнай гаспадаркі ўрачыстае мерапрыемства, прысвечанае прафесійнаму святу, прайшло ў актавай зале Карэліцкага УК БАН. У гэты дзень ушаноўвалі бытавікоў, хто сваёй працай забяспечвае камфорт і якасць бытавых паслуг Карэліччыны.
Урачыстасць пачалася з уручэння ўзнагарод лепшым работнікам галіны. Граматы і падзякі абласнога і раённага Саветаў дэпутатаў, Карэліцкага райвыканкама, абкама прафсаюза работнікаў мясцовай прамысловасці і камунальна-бытавых прадпрыемстваў, атрымалі тыя, хто сваёй працай і прафесіяналізмам уносіць значны ўклад у развіццё галіны.
Старшыня Карэліцкага раённага Савета дэпутатаў Аляксей Гаўрош, звяртаючыся да прысутных, падкрэсліў, што сённяшняя нагода аб’яднала ўсіх тых, хто шмат сіл і ўвагі надае абслугоўванню жыхароў раёна, а таксама вытворчасці.
– Мы шчыра ўдзячныя тым, хто з поўнай аддачай удзельнічае ў рэалізацыі важнейшых для галіны праектаў. Менавіта дзякуючы вашай стараннасці, ініцыятыве і імкненню да лепшага сфера бытавога абслугоўвання рухаецца наперад і на працягу многіх гадоў працуе рэнтабельна. Ваш ўклад неацэнны, – падкрэсліў Аляксей Гаўрош.
На ўрачыстай цырымоніі таксама былі падведзены вынікі работы за 2024 год і вызначаны планы на наступны. Шчырыя словы віншавання і падзякі за працу работнікам выказала дырэктар прадпрыемства Ала Маковік.
Кіраўнік уручыла Ганаровыя граматы прадпрыемства вадзіцелям аўтамабіляў Сяргею Вярбіцкаму і Аляксандру Сачко і Падзячныя пісьмы брыгадзіру швейнага цэха Таццяне Бязмен, швачцы Святлане Пятровай, прадаўцу Ганне Рахманька, слесару па рамонце і абслугоўванню абсталявання Анатолію Калбаска, прыёмшчыцы заказаў Алене Лісоўскай.
Святочную атмасферу на мерапрыемстве стварылі калектыў Мірскага Дома культуры. Іх музычныя нумары сталі выдатным падарункам для работнікаў галіны і напоўнілі залу станоўчымі эмоцыямі. А сама ўрачыстасць стала яшчэ адным пацвярджэннем прызнання заслуг работнікаў бытавога абслугоўвання насельніцтва, якія сваёй працай уносяць неацэнны ўклад у развіццё Карэліцкага краю і павышэнне якасці жыцця яе жыхароў.
