На планерке у председателя: порядок на земле и взыскание задолженности за ЖКУ

На штотыднёвай аператыўнай нарадзе ў старшыні Карэліцкага райвыканкама Андрэя Гардзея разгледжана пытанне выканання плана мерапрыемстваў па навядзенні парадку на зямлі.

Начальнік Карэліцкай раённай інспекцыі прыродных рэсурсаў і аховы навакольнага асяроддзя Сяргей Сянкевіч расказаў, што ў жніўні 2024 года рэгіянальным планам па навядзенні парадку на зямлі прадугледжана выкананне 11 пунктаў, з якіх выканана 9. Так, зроблена добраўпарадкаванне і рамонт 5 дзіцячых гульнявых пляцовак у райцэнтры, устаноўка і рамонт кантэйнерных пляцовак для збору адходаў, Карэліцкім РУП ЖКГ праведзены рэканструкцыя і рамонт газонаў па вул. Савецкай у г.п. Карэлічы. Выкананы ўстаноўка і рамонт агароджы першага пояса зоны санітарнай аховы каля фермы “Руднікі” КСУП “Малюшычы”. Работнікі Карэліцкага лясніцтва правялі суцэльную санітарную высечку на плошчы 5,2 га, а таксама ўборку адходаў на плошчы 4,3 га.

Абмеркавалі на аператыўнай нарадзе і працу РУП ЖКГ па спагнанні запазычанасці за жыллёва-камунальныя паслугі. Кіраўніка раёна асабліва трывожаць шматдзетныя сем’і, якія маюць запазычанасць:

— Сёння яны карыстаюцца досыць вялікімі дзяржаўнымі льготамі і прэферэнцыямі, аднак грэбуюць сваімі абавязкамі. Яны павінны знаходзіцца пад асаблівым кантролем, бо ў сем’ях выхоўваюцца непаўналетнія.

На пасяджэнні камісіі па справах непаўналетніх быў разгледжаны спіс даўжнікоў, у якіх выхоўваюцца непаўналетнія дзеці. З шасці чалавек спагналі запазычанасці, аднак ёсць сем’і, якія не пражываюць у Карэлічах, маюць даўгі і не рэагуюць на паведамленні аб неабходнасці ўнесці плату.

Сярод пытанняў, разгледжаных на пасяджэнні, устаноўка касавага апарата і стэнда для рэкламы прадукцыі, якую выпускаюць у Карэліцкім раёне, у ДУ “Карэліцкі раённы турыстычны цэнтр”; выкананне Плана па забеспячэнні дзяржаўнай рэгістрацыі маёмасці, якая знаходзіцца ў дзяржаўнай уласнасці; работа па адкрыцці платнай стаянкі па вул. Чырвонаармейскай у г.п. Мір.

Сяргей СТОЛЯР