«Неабходна разумець важнасць гэтай палітычнай падзеі». Першы намеснік старшыні Карэліцкага райвыканкама – начальнік упраўлення сельскай гаспадаркі і харчавання Яўгеній Бусько прагаласаваў датэрмінова

Правам прагаласаваць датэрмінова скарыстаўся першы намеснік старшыні Карэліцкага райвыканкама – начальнік упраўлення сельскай гаспадаркі і харчавання Яўгеній Бусько. Ён прыйшоў на выбарчы участак №1, што размясціўся ў памяшканні ўстановы адукацыі “Сярэдняя школа №2 г.п. Карэлічы” разам з жонкай Вольгай і дачкой Аляксандрай.

– Упэўнены, што ўсе жыхары раёна разумеюць важнасць гэтай палітычнай падзеі. Я як выбаршчык, патрыёт сваёй краіны заклікаю кожнага жыхара раёна прыйсці на свае ўчасткі і, азнаёміўшыся з праграмамі кандыдатаў у дэпутаты, прыняць удзел у галасаванні і зрабіць правільны выбар, – адзначыў Яўгеній Анатольевіч. – Жадаю, каб праца ўчастковых выбарчых камісій прайшла паспяхова, у спакойным рэжыме. Для гэтага адпрацавана зладжанасць дзеянняў усіх службаў. І работнікі МНС, і медыкі, і супрацоўнікі РАУС гатовыя да аховы грамадскага парадку.

Па словах сакратара выбарчай камісіі ўчастка №1 Рэгіны Аляксандраўны Забродскай, у спіс для галасавання на ўчастку ўнесена 2760 выбаршчыкаў, радуе іх актыўнасць. На 16.00 21 лютага яўка склала 10,3%.